设为首页 加为收藏 联系我们

698足球分析网(698bo.com)-来就发足球-尽享足彩乐趣
馬體會半場和擋車

2021/2/23 12:31:36 [不详] [] 

中立場擺陣最緊要穩
今晚歐聯16強首回合焦點大戰,西甲1哥馬德里體育會於中立場羅馬尼亞,硬撼英超勁旅車路士。雙方都係「穩字派」,踏入淘汰賽必定更加小心謹慎,尤其係初段零舍保守,加上近年喺歐聯碰頭堅旺半場和,預計大家都唔敢輕舉妄動,半場和不妨追多鋪。

(myTV Gold 303、Now 643、有線656及616台周三凌晨4時直播)

馬體會主帥施蒙尼一向重視防守,尤其係歐聯淘汰賽,佢過去帶領「床單兵團」出戰29場歐聯淘汰賽,法定時間只失24粒,並有20場開2球或以下,極為保守。呢位鐵血教頭再將防守升級,今屆以荷西基文尼斯、史提芬沙域及馬里奧靴莫素為首,改踢3人防線,並用防中佐治高基做掃蕩,配合其他中前場球員勤於逼搶,大大減輕防線壓力,佢哋啱啱聯賽輸畀利雲特,被打破今季各項賽事16仗主場不敗身,受過教訓今仗一定小心為上。

車路士控球打法保後防
原本風雨飄搖嘅車仔,自從杜曹於1月尾接手後,立即重上正軌,呢名德國主帥同樣轉打3人防線,以艾斯派古達、安達斯基斯坦臣及魯迪格鎮守中路,但有別於馬體會嘅勇悍,他起用組織型防中佐真奴費路及高華錫,藉着控球打法保護防線,車仔近7場只失2球,防守效果立竿見影。杜曹帶領巴黎聖日耳門喺上屆歐聯屈居亞軍,5場淘汰賽只失4粒,嚟到車路士,相信仍可保持一貫水準。

翻查紀錄,兩軍近5次歐聯交手,各得1勝3和1負,實力不相伯仲,其中4場半場握手言和,睇得出大家喺初段都穩陣至上,加上今場只係首回合,毋須急於搶攻,可以睇定先食,半場和值得捧場。


  • 上一篇文章:
  • 下一篇文章:
  • 698足球资讯-来就发 站务QQ:联系我1409574266

    © CopyRight 2009-2020, 698bo.Com, All Rights Reserved
    声明:本网足球比分资讯仅供购买中国足球彩票比分参考之用。本网广告均为广告客户的个人表达方式,和本网无任何关系,链接的广告不得违
    反国家法律规定。本站将尽善意努力以提供及时有效的足球比分信息,但并不保证所有足球比分信息为真实可靠以及并无错讹和谬误,用户
    在使用本网之足球比分服务时应自行甄别。使用本网站必须遵守本网址用户协议。