设为首页 加为收藏 联系我们

698足球分析网(698bo.com)-来就发足球-尽享足彩乐趣
PSG追分數爆尼姆

2020/10/16 12:04:02 [不详] [] 

經過兩周國際賽,歐洲各地聯賽本周末重燃戰火,為遷就下周歐聯分組賽開打,法甲今晚安排兩場比賽,衞冕盟主巴黎聖日耳門(PSG)喺尾場作客鬥尼姆。PSG今場雖然陣容不整,不過佢哋近4次對尼姆全部贏晒,共轟13球,實力贏對手成條街,而且今季法甲預期會比過去幾季爭持激烈,現排第4嘅PSG定必要搏盡,大炒可期。

(周六凌晨3時開賽)

PSG開季因受新冠疫情影響,喺部分主將缺陣下頭2輪聯賽輸晒,好在隨住一眾主力陸續康復,聯賽4連勝重返正軌,國際賽前一仗更以6比1大炒昂熱,重現霸氣。PSG今場有中場迪馬利亞、守將古沙華及馬昆奴斯哥利亞停賽,尼馬、基利安麥巴比、馬高華拉堤及達斯拿等周中踢完國際賽,匆匆歸隊未必踢足,但對手尼姆近年係PSG私房菜,過去4次交鋒尼姆全部輸晒,當中有3次淨輸3球或以上,實力上有一定距離,而且尼姆今場亦有多名主將缺陣,包括中場白賴恩干停賽,前鋒迪派斯、中場薛迪沙亞、安東尼華拿里奧及杜積域俱有傷在身,情況唔好得過PSG幾多,想終止連敗走勢唔易。

雷恩入球大「安」心買

PSG過去幾季喺法甲一支獨秀,為留力歐聯有唔少失分空間,不過PSG季初表現失準,現時只排聯賽榜第4位,而且幾支爭標假想敵包括雷恩、里爾都有唔錯表現,PSG唔想被甩開亦要全力拚盡,定必盡數對手。

至於剛才提過嘅雷恩就會喺頭場作客鬥迪安;現排榜首嘅雷恩開季6戰4勝2和未輸過,不過當中只有1場冇失波,近4戰場場至少3球交收,踢法攻強守弱;迪安6戰得1分失13球,呢場肯定大把士哥睇。

(周六凌晨1時開賽)


  • 上一篇文章:
  • 下一篇文章: 没有了
  • 698足球资讯-来就发 站务QQ:联系我1409574266

    © CopyRight 2009-2020, 698bo.Com, All Rights Reserved
    声明:本网足球比分资讯仅供购买中国足球彩票比分参考之用。本网广告均为广告客户的个人表达方式,和本网无任何关系,链接的广告不得违
    反国家法律规定。本站将尽善意努力以提供及时有效的足球比分信息,但并不保证所有足球比分信息为真实可靠以及并无错讹和谬误,用户
    在使用本网之足球比分服务时应自行甄别。使用本网站必须遵守本网址用户协议。